Futuristic Story

Sa Likod ng Mga Ulap

CraziNISE Princess

                 May limang magkakaibigang nagmula sa pang sekondaryang paaralan ng Col. Lauro D. Dizon Memorial National High School. Kasalukuyan ay nasa ika- tatlong taon na sila. Mula sa unang taon palang ay matalik na silang magkakaibigan. Sila ay sina Livea, Sahara, Shilane, Jane at Den. Masasabing perpekto ang kanilang pagkakaibigan hanggang ngaun maliban nalang ng tinamaan ng hindi inaasahang malalang sakit ang isa sa kanila, si Shilane. Ang tawag sa naging sakit niya ay “I LOVE YOU VIRUS”. Ito ay isang sakit sa puso na ang tanging makakagamot ay isang artipisyal na puso na magmumula sa mga taong malapit sa kanyang puso. Dahil sa hindi nakapagtapos ang mga magulang niya kaya napagpasyahan ng apat na sila na lamang ang gagawa ng artipisyal na puso para sa kanilang kaibigan.
                “Jane sa tingin mo kaya kaya natin na gumawa ng artipisyal na puso para kay Shilane?” ani Livea.
                 “Kakayanin natin para sa kaibigan natin. Hindi natin hahayaan mapahamak ang kaibigan natin. Gagawa tayo ng paraan.” ani naman ni Jane bilang tugon sa tanong ng kaibigan.
                   “Oonga naman. Tama si Jane.” wika naman ni Den.
                   Talagang masasabing napakatibay ng samahan nila na maging hanggang sa pagkakasakit ng isa sa kanila ay nagtutulungan parin sila. Hindi nila hahayaan na may mapahamak ni isa man sa kanila. Nagtulungan silang apat na magkakaibigan upang gumawa ng artipisyal na puso para kay Shilane. Ang lahat ng kanilang ginagawa ay lingid sa kaalaman ni Shilane. Pinasimulan ni Sahara ang lahat hanggang sa matapos nila ito sakto sa oras. Natapos nila iyon isang araw bago ang ikalabing-limang taong kaarawan ni Shilane. Ito ang magsisilbi nilang regalo sa kaibigan at sa pamilya nito.
                    “Dok, heto na po ang artipisyal na puso na kailangan ni Shilane.” wika ni Sahara.
                    “Mabuti naman at nagawa niyo ito ng nasa oras. Napakagaling niyo. Malaking tulong ito para sa inyong kaibigan.” sabi naman ng doctor.
Isinagawa na ng doctor ang operasyon at sa kabutihang palad ay nagtagumpay sila artipisyal man ang nagging puso ng kanilang kaibigan ngunit hindi parin nagbago ang kanilang kaibigan. Nanatili parin siyang mapagkubaba.
                     Idinaos nila ang kaarawan nito sa ospital habang ito ay nagpapagaling. Para sa kanila ito na ang pinakamasayang pagdaraos ng kaarawan ng kanilang kaibigan.
                      Ito ang isang sitwasyon kung saan salikod ng ulap ay matatagpuan parin ang araw.